Dual Audio And Linux
قمت بتحميل بعض ملفات الفيديو الخاصه بالانمي ،، ومن اهم الاسباب اللي حمسني لتحميلها هو انها صوت مزدوج ،، يعني ان اردت ان تشاهد الحلقة بصوت ياباني + ترجمة انجليزيه او ان تشاهده مدبلج بالانجليزيه لذلك يسمى صوت مزدوج Dual Audio هناك من لا يعرف الطريقة على الويندوز لكن سأشرح الطريقة على لينوكس ،،
في البداية لاحظت ان اغلب الملفات من امتداد mkv هي ماتكون Dual Audio عموما ً الطريقة سهله لكن اردت المشاركة من الممكن تكون مشكلة عند احد ما
!
عن طريق برنامج MPlayer الذي يأتي مع اغلب التوزيعات القنوميه
من قائمة Sound :
Sound >> Languages >> Jap or Eng
وتختار اللغة التي تحب ،، صوره للتوضيح :
عن طريق برنامج VLC ،، من قائمة Audio :
ِAudio >> Audio Track >> Jap or Eng
صورة للتوضيح :
عن طريق برنامج Kaffeine ،، من قائمة Player :
Player >> Audio >> Audio Channel >> Jap or Eng
صوره :
Super Nintendo
بالصدفة وانا في اليوتيوب ،، وقعت على مقطع فيديو عن العاب السوبر نيتندو ،، ومنها قعدت ابحث عن بعض الالعاب ،، الصراحه لما شفت الألعاب وتذكرت ايام زمان آآآآآآآه بس ،، أيام مافي مثله ،، اللي مايعرف السوبر نيتندو،، طلع اوائل التسعينات يعني قبل البلاي ستيشن ،، اذكر اني كنت العب فيه حتى ايام ماكان البلاي ستيشن موجود ! البلاي ستيشن ماوصل عندنا تقريبا ً عام 97 ،، ايااام ،، الصراحه منصة السوبر نيتندو لها ذكريات كثييييره معاي ،، اذا شفت الصوره يجيني شعور غريب ودك تبكي 
اهم الالعاب اللي كانت لاحسه مخي هي Star Wars لعبة ستار وورز منها عرفت ستار وورز ومنها حبيته ،، والى هذا اليوم انا اتابع افلام ستاروورز كله بسبب النيتندو ،، اللعبه كانت على وقتها خررراااافيه بشكل رهيب ،، المغامرة رووووعه ،، والاصوات والجرافيكس . آآآآه بس
والا سلسلة Super Mario اللي لحد الان واسم النيتندو مرتبط معاه ! اللعبه مالها مثيل ليومنا هذا !
Mortal Kombat << وش اقول بس عن هاللعبه اللي تكسر الدنيا ،، الى الان اتذكر شكل الشريط وكيف شكله والعلامه اللي عليه !!!!!!
اللعبه القتاليه الثانية اللي كانت نقله كبيره Street Fighter لعبه ولا احلى ،،القائمة كبيره ،، اللي اثذكره حاليا ً :
Megaman
Prince of Persia
Bust A Move
TMNT
Aladdin
Lion King
Cool Spot
العاب السيارات ناسي اساميها !
على طوووول حملت المحاكي تبع السوبر نيتندو – فيه منه نسخة للينوكس وموجود بمخازن اوبونتو الرسميه – وبحثت بالتورنت ولقيت مجموعة العاب كبيره وحملتها 763 لعبه
معلومات عن الجهاز من ويكيبيديا :
http://en.wikipedia.org/wiki/Super_Nintendo_Entertainment_System
الساعه حوالي 2 صباحا ً ،، من بكرا ان شالله راح ادور في المخزن لعل وعسى الاقي الجهاز ويكون سليم !! من جد اشتقت لايام زمااان .
وداعا ً W810i :(
عشرت عمر وانا مع هالجهاز (W810i)،، الصراحه مااقدر اتركه ابدا ً ،، الجهاز عاش معاي تقريبا ً اربع سنوات بدون اي مشاكل ،، اشتريته بأواخر 2005 او اوائل 2006 مااذكر بالضبط ،، لكن الجهاز جبّار والى هذا اليوم شغال ويؤدي مهمامه بكل جداره وخصوصا ً الووكمان walkman ،، لان الجهاز اكثر استخدامي له هو مشغل الموسيقى walkman ،، بعد هالعشرة ،، قررت اغير الجهاز ،، ورحلت البحث عن جهاز مناسب عامله لي صدااااع بشكل كبير ،، مابين اني اشتري جوال من سوني او استخدم جوالي الحالي(خصوصا ًاني مكالماتي قليله جدا ً) واشتري اما walkman او ipod ،، راسي راح ينفجر لكن الله ييسر .
دليل البرامج الحرة و المفتوحة لنظام وندوز .
شغل جامد ومرتب من الاخ احمد skeleton-eel ،، انصح اي شخص يقرأه ،، الكتاب صغير وبسيط وغني بالمعلومات ،، مااخذ مني اقل من نصف ساعه في قراءته ،، الكتاب موجهه لكل شخص وليس حصرا ً على التقنيين .
لتحميل الكتاب برابط من مدونتي:
او من خلال الموضوع بمجتمع لينوكس العربي :
How to : Ultra Surf on Linux
برنامج Ultra surf اشتهر خلال السنه الماضيه بشكل رهيب ، البرنامج حلو وخفيف وحجمه صغير وبورتبل يعني مايحتاج تنصيب ،، البرنامج مافي منه اصدار على اللينوكس ،، وكنت استخدم بدائل كثير منها عن طريق الفايرفوكس ،، كمان برامج مثل الجاب ،، وكلها كانت تأدي المطلوب لكن يضايقني البطئ اغلب الوقت ،، عشان كذا قلت اجرب استخدم الترا سيرف عن طريق الواين ،، حاولت دايركت اني اشغله لكن طلعت لي مشكله وهو لازم تحمل ملفات dll الخاصه بالويندوز وتحطها بالواين وبعدها يشتغل معاك تمام .
موقع البرنامج :
ملفات الـDLL :
http://black.2004.googlepages.com/DLL-For-US-5N1X.tar.gz
وتحطها في المجلدين تبع مسار الويندوز في الواين :
/home/snix/.wine/drive_c/windows/system
/home/snix/.wine/drive_c/windows/system32
لاتنسى مجلد الواين مخفي ،، حتى تشوفه ،، من القائمة بالاعلى اضغط على view واختر show hidden files او اختصار لوحة المفاتيح Ctrl+H
وبعدها بالزر اليمين على البرنامج واختر فتح بالواين وراح يشتغل معاك ،، لاتنسى تحمل الاضافة تبع الفايرفوكسwjbutton (بموقع البرنامج)حتى تسهل عليك تفعيل الايبي والبورت ،، بدال ماتعملها بشكل يدوي .
تنزيل الواين من مدير الحزم ،، في اوبونتو من خلال مدير الحزم ايضا ً او من السوفت وير سنتر،، النسخه عندي البيتا الاخيره .
Ultra surf on Linux
واشتغل الـUltra surf على الاوبونتو تمام مع الواين ،، جاري كتابة الطريقة ،، عندي محاضرة الآن .
مع لينوكس الحل انفيديا !!!
افكر جديا ً اني انتقل لكروت Nvidia ،، ولو اني معجب بـATI وسياستها بخصوص الاداء + السعر(متحسر!:() ، لكن تعبت مع اللينوكس وتعريفات ati السقيمه ،، صحيح ان فيه تحسن هالايام هذي لكن مازال فيه مشاكل ،، انا الان شغال على الاوبونتو مع كرتي hd3650 بشكل حلو ،، التأثيرات شغاله تمام والافلام والعرض جميل لكن مع الضغط تحصل مشاكل تكرهك بالكرت ،، الكرت الآن كمل سنه بشهر اغسطس الماضي وكنت طوال الفتره شغال على لينوكس تمام ،، لكن مثل ماذكرت يتعبني الكرت ،، مع التحديثات الجديدة للكرت يلزمني مسلسل قلق ووجع راس على بال مااثبته ،، واغلب الوقت مااحدث بشكل مستمر واحرم نفسي من التحسينات الجديده ،، ايضا ً مع الالعاب في لينوكس يتعبني كثير وخصوصا ً على الواين ،، كنت منزل على جهازي CS:S وكانت شغاله زي الحلاوه ،، على اكبر دقه في الشاشه عندي لكن مع الوقت تقريبا ً شهر او شهرين حصلت لي مشكله ولزمني اقلل دقة الشاشه اشتغلت فتره وبعدها صارت مشكله ،، وكل هالمشاكل من الكرت ودعم ati الزفت !! الى متى !!
خلاص بدء البحث عن كرت محترم والله يعين على اسعار انفيديا .
It’s Here!
ووصل اوبونتو بالاصدار الجديد ،، اكيد راح انزل السيديز لكن مااحتاجهم بالوقت الحالي ،، لاني قبل كم يوم كنت منزل نسخ RC وكلها كم تحديث ويكون الوضع تمام . لكن يمكن احتاج لبعض التجارب عشان كذا يلزمني بعض التحميل
