آي ماك في جامعتنا !
سلام عليكم …
مثل ماانت شايف بالموضوع .. بالجامعة لدينا اجهزة آي ماك الجديد “ترا ماامزح” ولاتستعجل وتقول اخيرا ً تعلموا اكمل الموضوع .. طبعا ً الموضوع ماكنت عارف عنه لحد ماقال لي احد شباب الجامعة قبل كم يوم .. كنا نتكلم عن الانظمة وتكلمنا عن الماك ومنها تكلمنا عن موضوع الجامعة وان الجامعة وفرت عدد من اجهزة آي ماك الجديد حوالي 20-30 جهاز .. طبعا ً انا فرحت كثير لاني من محبي ومتابعي الماك من زمان لكن ماحصل لي الشرف اقتنيه .. لذلك قلت بما ان الجامعة ودراستنا راح تكون على الماك ياحلاوه .. يعني باقرب وقت راح اضغط على نفسي واشتري ماك .. لكن هناك مصيبه لازم .. بحكم الجهل لدينا و الخبال ! بالفعل خبال وهبال وجنان .. جميع اجهزة الآي ماك الموجودة بالجامعة تم تنزيل عليها النظام المعوّق ويندوز وتم ازالة الماك او اس ازالة تامة !!!! مصيبة .. انا علمت بالخبر وانقهرت من جد .. وكنت انتظر اقرب فرصة اروح للمعمل واشوف الاجهزة .. المهم اليوم كانت عندي محاضرة انقلش وتم تغيير قاعتي واتجهنا للاب الموجود فيه اجهزة الماك .. بالفعل حاجة تقهرر .. مين المجنون اللي يشري آي ماك وينزل عليه ويندوز فقط .. وعلى فكره مواصفات الآي ماك ليست اقل المواصفات او المواصفات الاقتصادية .. المواصفات تقدر تقول عاليه .. الشاشة 20 انش وكمان كرت الشاشة ليس من انتل المدمج بل هو ATi HD2400XT والهارد 250 قيقا والرام اعتقد 1 قيقا .. المهم بعض الشباب طلعوا لقسم التقنية لدينا بالجامعة وهو المسؤل عن الاجهزه والشبكات وكل شي بالجامعة يخص التقنية والكمبيوتر وسألوا هناك عن سبب حذف نظام ماك الرهيب وتنزيل ويندوز التعيس فقط اقل شي ينزلوه بجانب الماك؟؟ ماذا تتوقعون كان الرد !! من جد جهل وحاجة تقهر .. الرد كان ان جميع البرامج اللتي يتم استخدمها بالجامعة لاتتوافق الا مع ويندوز!!
ياعالم انا ايش اسوي .. انتحر ..
مين المجنون يشتري ماك ويعمل كذا !!! آآآه يالقهر .
