0+0=two zeroes

السلام عليكم …

هالاسبوعين الماضية انواع القلق والتعب والارهاق .. والضعط بالنسبة للوقت .. مابين اختبار الفيزياء والرياضيات ومن هنا اختبار شهري ومن كويز ومن هنا ميد تيرم المهم وجع راس كل الاختبارات تجمعت بوقت واحد .. اليوم (اللي هو امس 😀 الخميس) انواع القلق قمت قبل الفجر حوالي الساعه 4 وجلست اذاكر لحد مادخلت الاختبار كان الساعة 8 الصباح وطلعت حوالي الساعه 10 او 10 ونص … رجعت للبيت ارتحت شوي حوالي ساعة وبعدها عندي اختبار انقلش الساعة 1 الظهر .. طبعا ً دخلت الاختبار على معلوماتي السابقة واللي اخذته بالمحاضرات مافتحت الكتاب ماصار فيه وقت حتّى .. المهم الاختبار كان طووويل الاسئلة كثيره ووجع راس يبغى له تركيز لكن ان شالله حليت زين 😀 .. طلعت من الاختبار حوالي الساعة 3 ونص ورجعت للبيت كنت ناوي انام .. لكن فكّرت … اذا نمت ماراح اقوم الا من الفجر او بكرا الصباح .. ويكون الخميس عطلتي راح اختبارات ونوم 😦 قهر .. المهم مانمت .. واللحين الساعة 1:10 على حسب ساعة جوالي من يوم الجمعة .. عيوني كأني محشش 😀 .. اللحين اروح اخم (اضم) وسادتي احسن لي الخميس خلاص خلص والويك اند ضاع كـ انه اي يوم دراسي 😀

Advertisements

5 Responses to 0+0=two zeroes

  1. Smart-x says:

    هههههههههههه ياحبيلك ,,

    مثل حالتي ,, بس انا ألعن بشوي 😀

    اليوم إختبرت بايوكيمستري ,, إختبار من 80 صفحة ,, ماحنا فاهمين أي شي بالكتاب والفضل يعود للدكتور الرائع !! 😀

    أسبوع كامل وأنا أذاكر ,, من يوم السبت الماضي !

    الإختبار من 50 فقرة ,, تقريبا 20 فقرة من برا الكتاب ,, 10 فقرات من شرحة البايخ واللي ماقدرنا نكتب معاه شي ,,15 فقرات من الكتاب بس من بين السطور وهي مو مواضع أسأله أبدا أبدا أبدا !! 5 فقرات معلومات عامة عن الكيمياء !!!!!!!!

    الي قدرت أحلة الـ 5 فقرات المعلومات العامة خخخخ ! والباقي كلللللله تخمين ,, 😀 خلها على ربك بس

    ياراقل ,, خلها على ربك بس 😀 تياسيــر إن شاء الله 😀

    الله يستر على المعدل ,, شكلـه بيلعــب لعـب هالسنــه !!

    c u next week ^.^

  2. snix says:

    هلا والله .. لاانت حالة خاصه ههههههههههههههه الله يعينك انواع الكرف والله .. توي ادري اني بعز خخخخخخخخخ من ناحية المعدل اي والله .. الله يستر بس .

    سي يو نكست ويك .

  3. br0ken says:

    الله يعينك والله من جد كرف
    ذكرتني بأيام الكلية 2004
    خاصة الترم اﻷول يكون كرف وفيه مواد ماهي تخصصيه
    الله يوفقك أخوي سامي وتجيب معدل ممتاز

  4. snix says:

    اهلين اخوي بروكين .. بالفعل مثل ماقلت .. مو بس اول ترم .. اول سنة كلها مواد عامة ومافيه من المواد التخصصيه ابدا ً .

  5. Mufs says:

    الكرف بالسنة التحضيرية و الفريشمن و بعدها ترتاح ..

    هانت , كلها ايام سامي و بعد كم سنة بتقول ( الله يذكر ايام الجامعة و الكرف بالخير..! )

    كذا الدنيا وانا اخوك ..

    بالتوفيق ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: