جدولي ام جدولهم !

الساعه 9 و44 دقيقه .. اليوم الجمعه … ادخل موقع الجامعه حتى اشيّك على الجدول ! طبعا ً سبب تشييكي على الجدول لان يوم الثلاثاء الماضي  حصل تغيير بوقت محاضرة الجافا .. ومن وقتها وانا كل يوم اشيّك على الجدول لان ادري راح يغيرون فيه على كيفهم !! والان الجدول صار حوسه .. وماادري ليش متعبينا وكل واحد يضبط جدوله وبالاخير يتغيير.. يوم السبت بماانه بداية الاسبوع .. كنت مريّح نفسي … يعني ساعتين فقط  من الساعه 8 لحد 10  .. وانتهي .. الان صار يوم السبت اطول الايام وضغط بشكل رهيب .. الدوام صار من الساعه 8 لحد 5 العصر متواصله اللهم بريك ساعه من بعد 10 لحد 11 !!! حاجه ترفع الضغط .

Advertisements

موقف مرعب …. لكن طريف !!

اليوم الصباح صحيت على غير العاده !! الساعه حوالي 7 ونصف … اليوم الخميس .. وامس نمت متأخر حوالي الساعه 3 فجرا ً !! .. المهم .. قمت وعلى طول لكيبوردي العزيز 😀 كان باقي كم قيقا لسا ماحطيتهم بالهارد .. لاني راح افرمت الجهاز اليوم .. واخوكم في الله ركب الهارد ووصله للجهاز .. ولحظه سكوووت وهدوء عجيبه .. والهارد مافيه اي استجابه وخصوصا ً ان فيه لمبه بالوسط تعرف ان الهارد اشتغل او لا .. واللمبه مااشتغلت !! امممم جلست شوي قلت يارجل روّق لسا صاحي من النوم وتفائل خير والهارد جديد << يهدّي نفسه حتى مايتحسر على الملفات الموجوده بالهارد :D..

ومن محاوله لمحاوله .. وركب من هنا .. ووصل من هناك .. ومن جهاز لجهاز .. والمشكلة للحين موجوده .. وقتها ضاق صدري الصراحه .. ماهي اول مره تصير لي مشكله بالهارد وملفاتي تروح .. واللي قاهرني ان الهارد ما كمل حتى ثلاث ايام .. 😦 جاء الظهر ومن كثر مـ الوضع متأزم والاخلاق زي الزفت .. قلت خلني اخذ لي قيلوله .. المهم نمت لي ساعتين وصحيت العصر وعلى طول بعد الصلاة للمحل اللي اخذت الهارد من عندهم .. قلت ياطويل العمر الهارد كذا وكذا وكذا .. اخذ الهارد وقام ووصله ويشوف له يمين يسار وللحين المشكلة نفسها .. الهندي طارت عيونه .. المهم قالي المشكلة بالمحوّل .. رحت لمحلات الكهرباء حتى اشتري محوّل جديد … ودرت على كم محل ولا حصلت نفس المحوّل .. وقتها خلاص ارتفع ضغطي .. كنت راح ارجع للمحل .. لان اعتقد عندهم كهربائي يعني يمكن يفك المحوّل ويسوي اللي يسويه !! خلاص وقتها مافرقت معاي ..

المهم قبل لااطلع للمحل … جلست على رواق وحاولت استرخي وقلت ابشوف للمحوّل .. كان مع المحوّل رأسين يتم توصيلهم به (ثنائي – ثلاثي) كنت مركب الثنائي عندي .. قلت خلني اجرب الثلاثي .. وحاولت اركب الثلاثي وركب وركبت عليه وصله لتحويل الثلاثي لثنائي من خلال تركيبي للوصله كان فيه مشكلة ماقدرت اركبه تمام .. رحت وركزت شوي بالراس ولقيت ان تركيبي له كان بطريقة خاطئه وكان يصير فيه فراغ ومايتم التوصيل بشكل كامل … وانا على طول اركب الرأس الثنائي وبالطريقة الصحيحه هالمره:D والحمدلله اشتغل الهارد المغرب .. والحمدلله الهارد لم يتضرر .. والحمدلله ماصار فيه مشاكل بالكهرباء او التماس اثناء التركيب الخاطئ للرأس …وطلعت حاجه بسيطه ماتم توصيله بشكل كامل .. الحمدلله ماسببت مشاكل بالكهرباء او ضرب الهارد … المحوّل المرفق مع الهارد تستطيع ازاله رأسه بحيث تغيره .. لما اشتغل الهارد ارتحت بشكل غير طبيعي .. قمت ابوس الهارد 😀 ههههههههههههههههههه الصراحه موقف غريب ومشكلة كانت بسيطه وطريفه وتعلمت منها الكثير.

My Book 500GB

 

آخيرا ً .. اشتريت البارحه هارد .. الجهاز عندي راح ينفجر .. قبل لااشتري الهارد كانت عندي مشكلة كبيره بالمساحه .. عندي بالجهاز هاردين 80 قيقا .. وكلهم فل !

الاول مقسم لقسمين قسم للويندوز حوالي 40 قيقا .. والاخر قسم للملفات .. والهارد الاخر كله للملفات حوالي70 قيقا ومنه 5 قيقا للينوكس 😀  .. وبرضوا كلهم فل .. اكبر مساحه كانت عندي على “السي” المنزل عليه الويندوز والمساحه كانت 500 ميقا 😀 هههههههه يعني الجهاز ماهو قادر يتنفس وخصوصا ً ان الجهاز قديم .. يعني قرف 😀

اليوم راح انقل كل “العفش” للهارد واعمل لي فورمات حلو للويندوز .. وبماان المساحه توفرت الان راح اسوي حفله لـ توزيعات اللينوكس 😀

معلومات عن الهارد :

الشركة المصنعه :  Western Digital

الحجم : 500GB

الاصدار : My Book Essential Edition

رقم الموديل :  WD5000H1U00

منفذ التوصيل : USB 2.0

مع الهارد ايضا ً سوفتوير حلو لـ اخذ باك اب بشكل اوتو.. و نسخ ملفات البرامج .. ومعاه برامج قوقل 😀  واحهة البرنامج :

البرنامج متوفر للويندوز والماك فقط 😦

صور للهارد :

من الـYouTube لـ PSP !

دائما ً اتصفح موقع YouTube … تقريبا ً بشكل يومي .. مقاطع كثير تعجبني من فيديو كليبات ، مقاطع صوت ، مقاطع انمي … الخ ، وبما ان الـPSP استخدمه غالبا ً لعرض الفيديو فـ يلزمني احمل من اليوتيوب واحول الامتداد حتى يستغل على الـPSP .. برامج التحويل كثيره ومتوفره كمان .. سواء مجانيه او لا .. اكثر شي ارتحت له FFMpeg سواء على اللينوكس او على الويندوز البرنامج لازم يكون متواجد بجهازي .. البرنامج تقدر تستخدمه لـ تحويلات كثيره .. لكن مايهمني هو MP4 وهو الامتداد المدعوم على الـPSP وايضا ً اجهزة الـIPod واعتقد اجهزة نوكيا الجديدة تستخدم الامتداد … البرنامج بدون واجهة رسومية (ولااحلى من كذا:D) طبعا ً فيه واجهات للبرنامج لكن انا افضل استخدام سطر الاوامر .. البرنامج سريع بالتحويل بشكل رهيب .. لتحويل الملفات المحملة من الـ YouTube كل ماعليك عمله هو الامر :

ffmpeg -i yuour_file.flv -ar 22050 new_file.mp4

وثواني والملف يكون جاهز للتشغيل على الـPSP .. بالنسبه لمن اراد ان يستخدم واجهه للبرنامج كل ماعليك البحث في موقع KDE-APPS

اما للتحميل من الـ YouTube افضل طريقة فعالة على كل الانظمة هي الاضافة الموجوده بالفايرفوكس

Video DownloadHelper

بداية الترم الجديد ..

ياااه .. من زمان عن المدونه 😀

عندي مواضيع كثيره كنت راح اكتب عنها لكن ماحصل وقت .. الايام هذي الوقت ملخبط عندي … لازلت على توقيت العطله من حيث النوم 😀 والدراسه اليوم بدأت ..

اليوم استملت الكتب الجديده .. مازلت ادرس الماث والفيزيكس على كتابي السابق .. لكن اليوم اخذت كتاب  Absolute Java  وهي اول ماده تخص الحاسب الالي ادرسها ..اخيرا ً ماده برمجة 😀 لكن لازال الجدول لدي “حوسه” .. الترم هذا مانزلت الا 14 ساعه .. حاولت مااضغط على نفسي مانزلت اي ماده عربي او اسلامي بالوقت الحالي ، المواد اللي راح ادرسها كلها دسمه والكريدت فيها عالي مع انها 4 مواد 😀 الماث والفيزيكس 4 كريدت .. والانقلش 3 كردت .. والجافا 3 كردت .. هذا جدولي :

Cairo – WELCOME TO REVOLUTION

سلام عليكم …

قبل قليل قرأت خبر من احد الموقع المفضله لدي Softpedia عن واجهه جديده للويندوز المسماة بـ Cairo من تطوير المبدع Michael Ciarlo صراحه المشروع اتوقع نجاحه راح يكون باهررر من ناحيتي الواجهه جميلة جدا ً وتعطي شكل جديد للويندوز بعيدا ً عن الشكل التقليدي المزعج طوال هذه السنين .. من الممكن تلاحظ بعض الشبه بين واجهة الماك والكيرو .. الموقع الرئيسي للمشروع http://cairoshell.com

ايضا ً اعجبني المسمى الذي يحمله المشروع WELCOME TO REVOLUTION

وكمان يوجد تسجيل بالموقع لمن اراد تحميل النسخة التجريبيه الاولى المسماة بـ Milestone 1 التي ستصدر الاربعاء القادم 13 فبراير .. لن اجرب البرنامج حتى ينضج 😀

كلام اعجبني من موقع سوفت ويبيديا هو ان المشروع مقارنه مع Aero يعتبر افضل من ناحية جمال الشكل + اداء العمل بفعاليه .. البرنامج يحمل مميزات حلوه جميله مثل :

Start-Bar, Multi-Desktop capabilities, File Explorer, File and Application Grouping, Launcher, and Dynamic Desktop

ملاحظه مهمه .. ان البرنامج يشتغل على فيستا وايضا ً محبوب الشعب اكس بي 😀

:: خصائص وبعض مميزات المشروع من موقعه :::

بعض الصور :

member in Travian !

سلام عليكم ..

من حوالي شهر او شهرين .. قمت بتسجيل في لعبة Travian .. لكن سجلت وسحبت على اللعبه انشغلت بالاختبارات .. المهم هاليومين كنت فاضي واحد من الشباب علمني بعض اساسيات اللعبه وسجلت بالموقع من اول وجديد .. اللعبه حلوه الصراحه .. وتحتاج صبر وتفكير وروقان وشر خخخخخخخخخ <<< مسوي شرير 😀

موقع اللعبة بالعربيه من هنا :

انا متواجد بالسيرفر الجديد 3 بالمنطقة الشمالية الشرقية … الاسم مايحتاج للمعرفه لسا ماعندي اي مصادر او حلف 😀