شبابيك !!

اصحى اليوم بعد ماقيّلت لي ساعتين ،، والا انواع المكالمات بالجوال ،، افتح اشوف ،، كلها اخوي ،، المهم ادق عليه ،،

انا : سلام  ،، خير ان شالله ؟ انواع المكالمات ! وش عندك ؟

اخوي : قوم شوف الجهاز وش فيه تعبان ،، الاتصال الخايس مايشبك ولا يفتح مواقع !

انا : قبل ماانام كل شي شغال تمام ؟ مو مشكلة انا اقوم اشوفه اللحين .

واروح اشوف للجهاز ،، والمشكلة موجوده ،، النظام مو راضي يفتح اي موقع ،، معنّد ابو الشباب ،، قلت اكيد المودم معلّق من عقب المطر اليوم شكل الغرفه اللي بالسطح كلها ماء 😀 << المودم بالسطح حتى يغطي البيت بالكامل 😀

المهم ،، واخذ اللابتوب لفوق واجرب كل شي شغال زي الحلاوه ! وايرليس وايثرنت ؟ سلامات ،، قلت اعمل ريستارت للمودم احتياطاً ،، وارجع للماخوذ الويندوز (شبابيك)،، وللحين متنّح ومو راضي ،، المشكلة يفتح كم موقع والباقي مايفتح ،، قلت اعمل ريستارت لعل وعسا ،، ومن بعد الريستارت للحين متنّح !! لعنت الله عليك ياابن ****** وبعدها قلت يمكن المشكلة من الكيبل يمكن فيه عطل والا شي !! وانا ظلمت الويندوز ،، ورحت وشبكت الكيبل على اللابتوب ،، والمصيبه كل شي شغال ،، وش اخرتها مع ابو الشباب ،، رحت وعمل ريستارت ودخلت للفيدورا ،، وكل شي شغّال وانا جالس اكتب المدوّنه الان ،،

الان توضح كل شي ،، الويندوز ضارب والا فيه spyware والا فايرس والا متنيل باللي فيه ،، المشكلة ان الويندوز ماله الا شهر ولا فيه برامج كثير ،، من جد رفع ضغطي ،، يلزمني فورمات الليله عشان يصحصح ،، من وين تجي العافيه ونظام الشبابيك شغال 😀

Advertisements

3 Responses to شبابيك !!

  1. ExGanza says:

    هههههههههه
    حلوه شبابيك 😀

  2. محمد التميمي says:

    ههههههههههه لايسمعك اخونا شبابيك ويجيك طااير مايدري وش السالفه ,, 😀

    اولا مبرووك علينا وعليكم الامطار ( مع انها رشه ) ,, جعلها امطار خير ,

    بعدين هذا هو الوندوز فيه لعانه وخبث يطلع لك مشكله وتجلس تحوس وتحوس واخر شيء تطلع المشكله من الخبل اللى اسمه وندوز ,,

    بس تصدق ياسامي انه هكاليوم جيت ابتعشي قلت بتكي عند الابتوب وياليتني ماجلست عنده ,, حطيت البيبسي جنب الكمبيوتر وانا جالس اتعشي واصمم ( مزاااجي حيييل 😀 ) الا يوم خلصت تصميم تقريبا الا ويعلق الفوتوشوب وجلس شوي وطلع لي انهاء المهمه يعني بيسكر الفوتو وانا ماحفظت شغلي ,, وانا اجلس اراعليه ومادريت الا وانا مطير البيبسي ومنكب كله على الجهاز والكييبورد تنقعت بيبسي 😦 والشاشه ماسملت بعد ,, الوكاد الجهاز حصل له تنظيف وتعقيم وبعد شهر رجعت له الحياهـ والسبب الوندوز 😦

    متي نحول لحبيب الالب فيدورا 🙂 وارتاح

  3. snix says:

    شبابيك ماوراه الا المصايب ،، شغلته هذي 😀 المفروض يحطونه مع مميزاته هههههههههههههههههههههههههههههه
    اما مشكلة التعليق ،، العن شي على كيف ابوه يقفل كل شغلك ،، نظام غبي !

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: