رمضان كريم .

صورة المناره من مسجد الشيخ زايد ،، بعدسة المصور أسامة

اشتريت الكرت ،، SAPPHIRE HD3650 OC Edition

بعد معانآة وبحث عن الكرت المناسب لي ولميزانيتي البسيطه ،، كنت كتبت تدوينة اني راح اشتري كرت HD3850 وكنت مقتنع بالكرت وماعندي اي نية اشتري غيره ،، لحد ماحسبتها صح وطلعت المسألة اكبر من ميزانيتي ،، يعني الكرت HD3850 لما اشريه راح يطلع لي بسعر 550 ريال من اخوي Goldenlion السعر مررره حلو لكن انا محتاج لباور سبلاي اضيف 200 ريال ،، وبرضوا الكرت يعتبر كبير حبتين يعني محتاج كيس جديد اضيف 200 او 400 ريال اضافيه ،، يعني راح اتعب على كذا ،، عشان كذا وقتها فكرت اني اشتري كرت غير HD3850 ،، وطاحت عيني على اخوه الصغير HD3650  في البداية كنت اضن ان الكرت راح يكون سئ او من الفئه الاقتصاديه لكن بعدما قرأت كم review وشاهدت بعض المقاطع باليوتيوب الكرت عجبني ،، وتقدر تقول الكرت يعتبر مناسب جدا ً لراعين الافلام وبرضوا حلو لراعين الالعاب (وليس مهوسي الالعاب 😀 هذولا لحال) الكرت بيعطيك اداء حلو مع اغلب الالعاب بالدقه العاليه او المتوسطه ،، لم اجرب الكرت الا على لعبة Bioshock واشتغلت معاي زي الحلاوه كل شي على الـ high وماواجهت اي مشاكل طبعا ً لم اجرب تغير دقه الشاشه بالحجم الكبير لكن الحجم الافتراضي ،، بالنسبه لسعر الكرت يعتبر مناسب مره تجده في المواقع العالميه الكرت قيمته تحت الـ 100 دولار يعني مايتعدى 80 دولار ،، اشتريته من   Goldenlion

بـ 350 ريال وبرضوا الكرت مايتطلب باور سبلاي عالي ،، اشتريت باور 450 وات من قيقا بايت .

الكرت اللي اخذته OC Edition جاهز 😀

الآن قاعد احمل COD4 واصل الآن 76% بكرا يكون خالص 😀

كان ودي احمل برامج الاختبارات وبعض الالعاب ،، لكن ماحصل الوقت اللي احمل فيه ،، على العموم الكرت مرتاح معاه بعد تجربه لساعات بسيطه 😀 بكرا راح اجرب COD4 واشوف ايش يصير ،، وبعدها مخطط احمل Crysis .

مواصفات الكرت :

512MB GDDR3
Over Clock version
128-bit memory interface
Core / Memory Clock – 725 / 900
PCI Express® 2.0 x16 bus support
DirectX® 10.1 / Shader Model 4.1 support
ATI CrossFireX™ multi-GPU support
Unified Video Decoder (UVD) for Blu-ray™ and HD DVD at full HD 1080p
HDMI with 5.1 surround sound audio

http://www.sapphiretech.com/us/products/products_overview.php?gpid=233&grp=3

صور لمواصفات الكرت من GPU-Z :

تقييم الفيستا للكرت

Graphics : 5.9

Gaming Graphics: 5.6

لم اجرب الكرت على اللينوكس الى الآن ،،

قوط = gothic !!!

بما اني احب ستايل الـ Gothic  ،، اللون الاسود من افضل الالوان عندي ،، من زمان وانا ودي اعرف معنى هالكلمة بالعربي ايش ؟؟ كنت عارف انها قوط ؟ لكن ماادري ايش الكلمة قوط هذي خخخخخخخخ وليش هالاسم ؟ وعلى اي اساس تم اختياره ؟ حاولت ابحث لكن مالقيت  😀

الفايرفوكس وخطوط الماك ،، اوبرا يحل المشكله :D

تعجبني خطوط الماك ،، لذلك بالنظام عندي مااستخدم اللي هي شكله كشخه ومرتبه بالواجهه ،، لكن العم فايرفوكس مو راضي يتسنع زي العالم والناس ويشبك الدنيا 😀  اغلب المواقع العربيه تكون الكتابه العربيه منفصله ،، شوف الصوره :

حاولت في الكل الطرق ،، مايضبط الخط ،، بعدها مليت وقلت لعنة تلعنك 😀 خلني احمل اوبرا ،، وحملت الاوبرا والحمدلله طلع واد محترم وفتح لي المواقع بدون مشاكل :

طالما هالمشكلة موجود بالفايرفوكس ماراح استخدمه 😀 الاوبرا يكفيني وزيادة .

للتوضيح المشكلة حصلت لي مع الفايرفوكس بتوزيعة اوبونتو + توزيعتي الحاليه اعجوبة .

شوية روايات .

مااحب اروح للمكتبه ،، لاني من الناس اللي بس يشتري كتب ،، ومااوقف هههههههههههه عشان كذا اذا رحت للمكتبه اخذ معاي لسته بسيطه للكتب اللي راح اشريها واحدد ميزانيتي عشان مااروح هناك وارجع معاي كتب مااقدر اشيلها 😀 المشكلة تكون لما تروح للمكتبه وماتلاقي كتاب معين تبيه ،، تروح تشتري بداله 4 كتب 😀 ،، قبل امس طلعت للمكتبه واخذت لي كم روايه ،، اخذت اربع روايات بس 😀

أحدب نوتردام – فيكتور هوغو .

موت اللورد ادجوير – اغاثا كريستي .

ثلاثية غرناطة – رضوى عاشور .

لعنة الفراعنة – انس منصور .

لحد الان مابدأت ،، وماادري بـ ايهم ابدا 😀 شكلي راح ابدا بـ أحدب نوتردام ،، من زمان كان ودي اقراها .

اول واجب ،،

الله يسامحه اخي كريم 😀 اداني واجب ،، وانا مااحب الواجبات ،،صح انه سؤالين بس لكن مو مشكله .

نبدا بالواجب دغري 😀

1- اذكر اسم من طلب منك حل هـذا الواجب
كريم افندي 😀

2- تحدث عن سته اسرار قد لا يكتشفها من يقابلك للمره الأولي .

سته مره واحد ،، كثير ياعم ،، انت حتفضحنا ،،

1- اممم اول سر هو اني كنت مدمن بيبسي 😀 صحيح ،، كنت مدمن بيبسي سابق وكل اصحابي يعرفوا هالشي وكان ادماني عليه غير طبيعي يوصل لـ 5 – 10 علب خلال 2 – 4 ساعات فـ عليك الحساب كم في اليوم ،، يااه من جد مرض  ،، لكن سببت لي مشاكل صحيه وبعدها قطعته ،

الحمدلله مقاطع البيبسي من حوالي سنتين الآن << مأساة 😀 خخخخخخخخخخخخ

2- السر الثاني اممم اني استخدم نظام ويندوز خخخخخخخخخخ البعض يرى اني استخدم لينوكس يعني خلاص اكره الويندوز + مااستخدمه ،، اكتب هذه التدوينه من خلال الفيستا 😀

3- اتابع انمي بشكل مستمر 😀 واتابع حاليا ً :

Bleach

ouran high school

Vampire Knight

وقاعد احمل :

Ergo Proxy

Dragonaut The Resonance

Eureka Seven

World Destruction

😀

4- مااحب المنافقين وخصوصا ً اللي يستغل الدين بما يريد ووقتما يريد .

5- مااحب الاحتكاك مع الناس والاختلاط ،، واكره شي اشوفه التجمعات الكبيره والحفلات والعزايم ،، يضيق صدري . ماارتاح الا مع كيبوردي والـ walkman 😀

6- اهتم لـ ابسط الاشياء مهما كانت ،،

ايوه خلصنا ،، يكفي فضايح هههههههههههههههه .

أعجوبة وصلت .