تقرير : LG X110 Mini Notebook

تقريبا ً من رمضان وجهازي بوعكه صحيه ،، مابين البطارية التعبانه ومابين المروحه الخربانه و و و و .. الخ 😀

قلت خلاص لازم اخذ لي لابتوب ماصارت ،، المهم برحلة البحث عن جهاز جديد تكون الخيارات كثيره
ويصدع راسك من البحث ،، وغير لما تسأل الناس كلن يمدح جهازه ،، ماادري هل هو زين بالفعل او الرجال منقهر ويبي ينكبك معاه هههههههه

انا ماكانت عندي مشاكل بخصوص الشركات اهم الشركات اللي احترمها هي :
Apple
Toshiba
LG
HP
acer
يعني ماكان براسي اخذ لابتوب الا منهم ،، مع الوقت تفكيري كله صار الاجهزه الصغيره المسماه mini notebook
وصار التردد اللحين مابين جهاز كبير وجهاز صغير ،، خصوصا ً ان اسعار الاجهزه رخيصة

بالاخير قررت اخذ احد الاجهزه الصغيره ،، وبعدها احترت مابين الاجهزه لان المواصفات اغلبها متشابهه

وضيقت الخيارات مابين Acer Aspire one والـ MSI Wind

وخش براسي اني اخذ الـMSI وجزمت وخلاص كنت مستعد اني اشتري ،، بما اني بحائل كنت ابي اطلع القصيم او الرياض لان الجهاز عندنا خلص
وقلت احسن اخذ من جرير افضل ،، لكن البارح قبل قلت خلني امر وكالة LG الجاسم ولقيت الايسر عندهم وعندهم برضوا الـ X110
الصراحه الجهاز اعجبني حيل ومواصفات روعه واللي اغراني :
الضمان موجود عندي بنفس المدينة + مواصفاته + شكله قريب من الـMSI + الجهاز كبير وكيبورده حلوه (مع العلم انها تقريبا ً نفس حجم كيبورد الايسر)

والحمدلله البارح اخذت الجهاز من عندهم بـ 1790 ريال .

مواصفات الجهاز :

الشركة المصنعة : LG
الموديل : X110
نوع المعالج :Intel Atom
سرعة المعالج :1600 Mhz
الذاكرة :1GB DDR2
الهارديسك :120 GB
كرت الشاشة :Intel GMA 950
الشاشة :10 انش ،، وحجم الشاشه : 1024X600
كام :1.3 Smart Cam
نظام التشغيل : Windows XP Home Edition SP3
الوزن :1191g
الطول : 180mm
العرض :259mm
الوايرليس : 802.11b/g
بلوتوث : موجود
ايثرنت : موجود
قارئ الذاكرة (كارد ريدر) : موجود
يو اس بي :ثلاث مخارج يو اس بي
مدة البطارية : ساعتين وحولها 😀

صور لـ جهازي :

سكرين شوت للنظام :

Advertisements

13 Responses to تقرير : LG X110 Mini Notebook

  1. MEG says:

    مبروك عليك ,,

    انا جهازي LG LS70 Express 🙂

    ان شاء الله ما واجهت مشكلة مع تعريف الصوت ؟

  2. Mutati0N says:

    مبــارك عليك الجهاز يا سامي ,
    وانا شايف ان شركه LG في تطور بنسبه لأجهزتها ككل

  3. abosaed says:

    شكراً على التقرير الجميل لكن مدة البطارية ما كنها قليل شوي
    ثانياً أنطباعك على استخدام مثل هذه الاجهزة و بخصوص حجم الشاشة يعني تنصحني بمثلها ؟

  4. Ln X says:

    مبروك..
    انا اشوف ان هالاجهزة خفيفه بس غير عمليه بالمرة تصلح للإستخدام الخفيف وقت الحاجة والسفر..

    تكسره بالعافيه:)

  5. >>>> says:

    مبروك عليك ان شاء الله تتمتع فيه وتكسره بالعافيه^^”
    يالله جرب وخبرنا هل فعلا عملي ويتحمل؟؟:)
    على فكره شكله واللون الابيض WOOW
    🙂

  6. حملت وندز اكس بي فنشنل عربي وراح علي البلتوث كيف ارجعه

  7. جود says:

    مبــروك عليك
    ولو انــهـآ متأخرهـ
    بس الي خلاني اكتب اخوي انه نفس جهازي ونفس اللون :$

    كل شكري
    اختك

  8. Sara says:

    انا عاجبني هالجهاز
    وودي أشتريه
    بس ودي أسأل كم سؤال عنه من احد استخدمه قبلي

    ممكن؟؟؟؟؟

  9. العنزي says:

    انا اشتريته قبل شهر والجهاز مررره روعه وصوته مره حلو وعالي
    واللون نفسه اللون حقي فللللللللللللله نتاوووووووي

  10. صرااحه انا برااسي هالابتوب من زماان
    خصوصا بعد ما احترق المذر بورد حق الايسر حقي
    هلا تنصحني فيه اني اخذه مع العلم ان سعره مره منااسب

  11. ابوغيداء says:

    بصراحة انا شلريته لزوجتي بس قالت انجليزي وارغب بيعه وهوجديد1500 وفيه شريحة جوال 3قيقا0505750035

  12. سسسسسلآم عليكم

    مبروك اخوي

    بس حبيت استفسر ماله عيوب غير صغر الشاشة

    ناقصني 400 و اشتريه 😦

    وربي قهر 😦

  13. أبو تمام says:

    مبروك عليك..
    لكن يعيب هذا الجهاز عدة اشياء :
    1- يمتلك اضعف بطاريه بين اجهزة النت بوك فهي تعمل لـ ساعة و 38 دقيقة فقط.
    2- يمتلك اصغر قرص صلب 120 جيجا فقط.
    3- ﻻ يقبل الا كروت SD بينما البقية ملتي.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: