مع لينوكس الحل انفيديا !!!

nvidia

 

افكر جديا ً اني انتقل لكروت Nvidia ،، ولو اني معجب بـATI وسياستها بخصوص الاداء + السعر(متحسر!:() ، لكن تعبت مع اللينوكس وتعريفات ati السقيمه ،، صحيح ان فيه تحسن هالايام هذي لكن مازال فيه مشاكل ،، انا الان شغال على الاوبونتو مع كرتي hd3650 بشكل حلو ،، التأثيرات شغاله تمام والافلام والعرض جميل لكن مع الضغط تحصل مشاكل تكرهك بالكرت ،، الكرت الآن كمل سنه بشهر اغسطس الماضي وكنت طوال الفتره شغال على لينوكس تمام ،، لكن مثل ماذكرت يتعبني الكرت ،، مع التحديثات الجديدة للكرت يلزمني مسلسل قلق ووجع راس على بال مااثبته ،، واغلب الوقت مااحدث بشكل مستمر واحرم نفسي من التحسينات الجديده ،، ايضا ً مع الالعاب في لينوكس يتعبني كثير وخصوصا ً على الواين ،، كنت منزل على جهازي CS:S وكانت شغاله زي الحلاوه ،، على اكبر دقه في الشاشه عندي لكن مع الوقت تقريبا ً شهر او شهرين حصلت لي مشكله ولزمني اقلل دقة الشاشه اشتغلت فتره وبعدها صارت مشكله ،، وكل هالمشاكل من الكرت ودعم ati الزفت !! الى متى !!

خلاص  بدء البحث عن كرت محترم والله يعين على اسعار انفيديا .

It’s Here!

ووصل اوبونتو بالاصدار الجديد ،، اكيد راح انزل السيديز لكن مااحتاجهم بالوقت الحالي ،، لاني قبل كم يوم كنت منزل نسخ RC وكلها كم تحديث ويكون الوضع تمام . لكن يمكن احتاج لبعض التجارب عشان كذا يلزمني بعض التحميل 😀

Planet Earth

وأخيرا ً بدأت بتحميل البلانت ايرث ،، من زماااان وانا كل يوم اقول بكرا راح ابدا التحميل ،، لكن التأجيل مستمر حتى هاليوم قمت بتحميل او حلقتين من السلسله وتابعتهم ،، الصراحه هالسلسله شكلها شي جنوووني ،، جالس الآن اكمل تحميل باقي السلسله .

حملت نسخة الـHD لكن 720p وليست 1080i or p قلت اوفر مساحه ويمكن ماراح تفرق مع الشاشه عندي صغيره ومش كبيره 😀 .

 

 

 

 

قال ايش ،، قال اشتري ويندوز اصلي !

لو تنطبق السماء على الارض ماراح اشتري ويندوز سفن من نفسي ،، الا في حالة انه يكون مع لاب توب او جهاز اشتريه ويكون مخصص له (وبالارجح راح انزل لينوكس عليه )،، لكن اروح واشتري النسخه ،، ليه ؟؟ انا مجنون ؟؟  المشكله ان البعض عندنا هنا ،، اقصد بالسعوديه ،، يشتري النسخه ومصدق نفسه ؟؟ على ايش يالاخ ؟ المشكله انه فرد ،، لو شركة او مؤسسه او منظمة او اي شي تقدر تقول يمكن لانها شركه ومحتاجين الدعم ومش ناقصين مشاكل مع مايكروسوفت وقادرين على الشراء و و و الخ ،، لكن كـ فرد وخصوصا ً اننا في العالم الثالث وماعندك اي مراقبه ليش متعب نفسك بشراء نسخة اصليه ؟؟ طبعا ً رفضي لشراء ويندوز سفن هو السعر بالمرتبه الأولى ،، والا نسخة البيسك اللي هي اسوء شي ومافيها اي مميزات سعرها حوالي 460 ريال !!!  سلااااااامات !

والالتميت سعرها حوالي 950 ريال !!

انا منزل الالتميت عندي الآن وكل اللي اخذ مني هو حوالي 3 ساعات تحميل او اقل كمان !

اضف على ذلك ان المستخدم سيحتاج الى اوفيس + فوتوشوب + داونلود مانجر +  + + + الخ وكلها راح تكون بمبلغ وقدره $$ ،، والا مو معقوله اشتري ويندوز وادفع مبلغ وبالاخير استخدم برامج مجانيه !! تبغى برامج مجانية عندك لينوكس ! والا تشتري نسخة ويندوز اصليه وتركب عليها انواع البرامج وانواع الكراكات والفايروسات والسباي وير ،، وكل كم شهر فورمات !! ايش استفيدت ؟؟

اعتقد اي شخص يشتري الويندوز وهو مجرد فرد ،، مجنون ! ومافيه عقل ،، البعض يعتقد كلامي مبالغ فيه لكن هذا الواقع ،، الواحد يشتري ويندوز لمجرد الشراء فقط !!! والا العذر السقيم تبع التحديثات ،، من ايام ويندوز اكس بي والنسخه المكركه تحدث بدون اي مشاكل من مايكروسوفت نفسها لحد يومنا هذا مع سفن .

جيمب + تصميم موقع

gimp_logo

تحضير درس خلال الايام الجايه بخصوص الجيمب + تصميم المواقع + تكويد التصميم CSS +HTML   .

~ L O V E ~

اول تصميم بعد تنزيل ويندوز سبعه 😀

البرنامج : Photoshop CS3

المده : ساعه الى ساعة ونص تقريبا ً .

المكتوب :

Love is an irresistible desire to be irresistibly desired.

Robert Frost

UOH SpeedTest

شكلي راح اوصل كيبل من الجامعه للبيت 😀 ،، اخذت قياس السرعه الساعه 9:30 كان عندي محاضرة داتا بيز ،، بالعاده اكون مركز مع الدكتور وماافتح الجهاز اصلا ً لكن اليوم كنت ناوي احمل كم توزيعة وشغلت الجهاز وخلصت المحاضرة وانا ماادري ايش كان يتكلم عنه هههههههههههه

السرعة متفواته لكن حملت الاوبونتو بحوالي دقيقة الى دقيقة ونصف او اقل من الدقيقه 😀  . وكذلك اوبن سوزه ،، كلها لايف سيدي ،، كنت ناوي احمل السوزه ديفيدي لكن ماكان معي اي وسيلة تخزين ماعدا الفلاش وحجمها 2 قيقا والا كان حملتها ، حجمها اكثر من 4 قيقا ماراح تأخذ اكثر من 5 دقايق .