قال ايش ،، قال اشتري ويندوز اصلي !

لو تنطبق السماء على الارض ماراح اشتري ويندوز سفن من نفسي ،، الا في حالة انه يكون مع لاب توب او جهاز اشتريه ويكون مخصص له (وبالارجح راح انزل لينوكس عليه )،، لكن اروح واشتري النسخه ،، ليه ؟؟ انا مجنون ؟؟  المشكله ان البعض عندنا هنا ،، اقصد بالسعوديه ،، يشتري النسخه ومصدق نفسه ؟؟ على ايش يالاخ ؟ المشكله انه فرد ،، لو شركة او مؤسسه او منظمة او اي شي تقدر تقول يمكن لانها شركه ومحتاجين الدعم ومش ناقصين مشاكل مع مايكروسوفت وقادرين على الشراء و و و الخ ،، لكن كـ فرد وخصوصا ً اننا في العالم الثالث وماعندك اي مراقبه ليش متعب نفسك بشراء نسخة اصليه ؟؟ طبعا ً رفضي لشراء ويندوز سفن هو السعر بالمرتبه الأولى ،، والا نسخة البيسك اللي هي اسوء شي ومافيها اي مميزات سعرها حوالي 460 ريال !!!  سلااااااامات !

والالتميت سعرها حوالي 950 ريال !!

انا منزل الالتميت عندي الآن وكل اللي اخذ مني هو حوالي 3 ساعات تحميل او اقل كمان !

اضف على ذلك ان المستخدم سيحتاج الى اوفيس + فوتوشوب + داونلود مانجر +  + + + الخ وكلها راح تكون بمبلغ وقدره $$ ،، والا مو معقوله اشتري ويندوز وادفع مبلغ وبالاخير استخدم برامج مجانيه !! تبغى برامج مجانية عندك لينوكس ! والا تشتري نسخة ويندوز اصليه وتركب عليها انواع البرامج وانواع الكراكات والفايروسات والسباي وير ،، وكل كم شهر فورمات !! ايش استفيدت ؟؟

اعتقد اي شخص يشتري الويندوز وهو مجرد فرد ،، مجنون ! ومافيه عقل ،، البعض يعتقد كلامي مبالغ فيه لكن هذا الواقع ،، الواحد يشتري ويندوز لمجرد الشراء فقط !!! والا العذر السقيم تبع التحديثات ،، من ايام ويندوز اكس بي والنسخه المكركه تحدث بدون اي مشاكل من مايكروسوفت نفسها لحد يومنا هذا مع سفن .

Advertisements

التعليقات مغلقة.

%d مدونون معجبون بهذه: