Super Nintendo

Super_Nintendo_Entertainment_System-USA

بالصدفة وانا في اليوتيوب ،، وقعت على مقطع فيديو عن العاب السوبر نيتندو ،، ومنها قعدت ابحث عن بعض الالعاب ،، الصراحه لما شفت الألعاب وتذكرت ايام زمان آآآآآآآه بس ،، أيام مافي مثله ،، اللي مايعرف السوبر نيتندو،، طلع اوائل التسعينات يعني قبل البلاي ستيشن ،، اذكر اني كنت العب فيه حتى ايام ماكان البلاي ستيشن موجود ! البلاي ستيشن ماوصل عندنا تقريبا ً عام 97 ،، ايااام ،، الصراحه منصة السوبر نيتندو لها ذكريات كثييييره معاي ،، اذا شفت الصوره يجيني شعور غريب ودك تبكي 😀 🙂 😦

اهم الالعاب اللي كانت لاحسه مخي هي  Star Wars لعبة ستار وورز منها عرفت ستار وورز ومنها حبيته ،، والى هذا اليوم انا اتابع افلام ستاروورز 😀 كله بسبب النيتندو ،، اللعبه كانت على وقتها خررراااافيه بشكل رهيب ،، المغامرة رووووعه ،، والاصوات والجرافيكس . آآآآه بس

والا سلسلة Super Mario اللي لحد الان واسم النيتندو مرتبط معاه ! اللعبه مالها مثيل ليومنا هذا !

Mortal Kombat << وش اقول بس عن هاللعبه اللي تكسر الدنيا ،، الى الان اتذكر شكل الشريط وكيف شكله والعلامه اللي عليه !!!!!!

اللعبه القتاليه الثانية اللي كانت نقله كبيره Street Fighter لعبه ولا احلى ،،القائمة كبيره ،، اللي اثذكره حاليا ً :

Megaman

Prince of Persia

Bust A Move

TMNT

Aladdin

Lion King

Cool Spot

العاب السيارات ناسي اساميها !

على طوووول حملت المحاكي تبع السوبر نيتندو – فيه منه نسخة للينوكس وموجود بمخازن اوبونتو الرسميه – وبحثت بالتورنت ولقيت مجموعة العاب كبيره وحملتها 763 لعبه 😀

معلومات عن الجهاز من ويكيبيديا :

http://en.wikipedia.org/wiki/Super_Nintendo_Entertainment_System

الساعه حوالي 2 صباحا ً ،، من بكرا ان شالله راح ادور في المخزن لعل وعسى الاقي الجهاز ويكون سليم !! من جد اشتقت لايام زمااان .

Advertisements

التعليقات مغلقة.

%d مدونون معجبون بهذه: