Microsoft unveils the new Xbox 360

الاكس بوكس الجديد ،، تطورات حلوه ،، وبنفس السعر المعتاد YaY

Advertisements

تم شراء هارد جديد

اليوم طلعت وشريت هارد جديد ،، كنت رايح اخذ اي هارد ،،، وكان في بالي اخذ ارخص شي ،، وماابغى شي اعلى من 200 ريال ،، لذلك فكرت بحجم 320 قيقا ،، لقيت سعره تقريبا ً 130 ،، والـ500 قيقا سعره 190 ،، قلت اخذ 500 افضل وسعر مناسب ،، اخذت الهارد قبل ماامشي تذكرت ان الويسترين ديجاتال الهاردات لها الوان وكل واحد لها ميزه معينه *_* اللي بالاداء افضل والي بالسرعه افضل واللي واللي واللي . . . الخ  وراعي المحل عطاني الازرق ،، قلت اشوف الاخضر ،، قالي كلهم واحد وسعرهم واحد ؟؟؟ استغربت ،، قلت عطني اشوف المواصفات ،، وانا راح اخذ الافضل واذا انهم زي بعض راح اخذ اي واحد ،، المهم شفت الاخضر والكاش تبعه 32mb والازرق 16mb شفت ان الكاش تبع الاخضر اكثر توكلت واخذته ،، لاني اصلا ً ماني رايق ادور في المحلات ،، بس وقفت عند محل واحد وابغى امشي *_* 😀  وتم تنزيل الويندوز ،، وجاري تنزيل اللينوكس *_*

التخطيط على جهاز جديد *_*

بعد تحميص وتفكير ،، وبعد ماضرب الهارد عندي ،، قررت اشتري لاب توب *_* وحاط عيني على جهاز الصراحه معجبني ،، وان شالله قريب اشوف وش يصير معاي ،، هالايام عندي اختبارات ،، والجهاز راح اشتريه من برا حايل لذلك يبي لي امسك خط ،، لازم ويد اند او يوم ماعندي اختبار *_*

الجهاز اللي حاط عيني عليه هو اسوس Asus N61JQ :

عروض الاقساط بسعر الكاش منتهيه من فتره &_& تأجيل الشراء الى اجل غير مسمى

مواصفات الجهاز (المواصفات اللي تهمني باللون الاحمر):

Processor & Cache Memory : Intel® Core™ i7 Processor 720QM : 1.6 GHz with Turbo Boost up to 2.8 GHz

Operating System : Genuine Windows® 7 Home Premium 64bit

Chipset : Mobile Intel® HM55 Express Chipset Main MemoryDDR3 1066 MHz SDRAM, 2 x SODIMM socket for expansion up to 8GB SDRAM

Display : 16″ HD (1366×768) Vesa Like

Video Graphics & Memory : ATI Mobility™ Radeon® HD 5730, 1G DDR3 VRAM

Hard Drive : 2.5″ 9.5mm SATA , 500GB

Optical Drive : DVD Super Multi Double Layer

Card Reader : 8 in 1 card reader, SD,MMC,MS,MS-Pro,XD,Smart Media,mini SD w/ adapter,MS-Duo

Video Camera : 2.0 Mega Pixel web camera

Fax/Modem/LAN/WLAN :
Integrated 802.11a/b/g/n or 802.11b/g
Built-in Bluetooth
10/100/1000 Base T

Ports:
Numeric KB Lock
Interface1 x Express card
1 x Microphone-in jack
1 x Headphone-out jack (S/PDIF)
1 x VGA port/Mini D-sub 15-pin for external monitor
1 x USB 3.0 ports
2 x USB 2.0 ports
1 x RJ45 LAN Jack for LAN insert
1 x HDMI
1 x WLAN On/Off Switch
1 x E-SATA


عفوا ً ATI .

هالمره ماكنت محتار مع انفيديا ،، وبخصوص الكرت بشكل عام ،، لان الكرت كنت اريده للملتيميديا والالعاب البسيطه عشان كذا اخذت ارخص كرت متوفر بالسوق وهو 8400GS واتخلص من معانتي مع كروت ATI مع اللينوكس ووجع الراس ،، فرق الاداء واضح وماتوقعته كذا !! كيف عايش طوال هالمده مع كرتي السابق << اقصد تحت منصه اللينوكس ،، اما على الويندوز كرت السابق افضل بكثيرررر .

اخذت الكرت ومع اوبونتو ماواجهت اي مشاكل ،، نفس النظام كنت استخدم عليه اوبونتو لكلا الكرتين ،، لكن قبل مااركب كرت انفيديا حذفت تعريف كرت ATI وبعدها ركبت الكرت وكل شي تمام ،، ارتحت وحسيت بسرعه افضل من قبل فتحت اكثر من فلم HD ولم اواجه مشاكل ،، فتحت اكثر من فلم HD ومع الكومبيز ايضا ً ولم اواجه مشاكل ،، على عكس كرت ATI . عفوا ً ATI لكن تعاريفك على اللينوكس اقل من المستوى وسيئة جدا ً .

الكرت فيه مخرج HDMI وهذا اهم شي عندي عشان عرض المسلسلات والافلام عندي . راح اجرب انزل CS:S للتجربه وعشان جرافيكسها مايتطلب كرت عالي 😀

open tray error

 

كنت انتظر العطله بشكل غير طبيعي  ،، الكثير من الانميز ماتبعتها + كول اوف دوتي 6 في او القائمة عندي اني اشتريه ،، بما ان الثلاثاء كان عندي اخر اختبار ،، يوم الاربعاء كنت شبه متفرغ وكنت ناوي العب في الاكس بوكس ،، وبتحصل لي المصيبه !! الاكس بوكس فيه مشكله ؟؟ << نحااااسه على الآخر

عاد منتظر كود6 بشكل غير طبيعي لكن الجهاز فيه مشكله open tray ارتفع ضغطي وقتها ولازلت (ودي ابكي)،، ودي لو اخذ الاكس بوكس واكسره !! يوم السبت راح اخذه لجرير(الضمان) اقرب شي عندي القصيم ،، واشوف اذا يغيرون لي الدرايف او العدسه او يحلون لي مشكلته  المهم يشوفون لي صرررفه ،، المهم كود6  😦 😦

وداعا ً W810i :(

sonyericsson-w810-00

 

عشرت عمر وانا مع هالجهاز (W810i)،، الصراحه مااقدر اتركه ابدا ً ،، الجهاز عاش معاي تقريبا ً اربع سنوات بدون اي مشاكل ،، اشتريته بأواخر 2005 او اوائل 2006 مااذكر بالضبط ،، لكن الجهاز جبّار والى هذا اليوم شغال ويؤدي مهمامه بكل جداره وخصوصا ً الووكمان walkman ،، لان الجهاز اكثر استخدامي له هو مشغل الموسيقى walkman ،، بعد هالعشرة ،، قررت اغير الجهاز ،، ورحلت البحث عن جهاز مناسب عامله لي صدااااع بشكل كبير ،، مابين اني اشتري جوال من سوني او استخدم جوالي الحالي(خصوصا ًاني مكالماتي قليله جدا ً) واشتري اما walkman او ipod  ،، راسي راح ينفجر لكن الله ييسر .

 

مع لينوكس الحل انفيديا !!!

nvidia

 

افكر جديا ً اني انتقل لكروت Nvidia ،، ولو اني معجب بـATI وسياستها بخصوص الاداء + السعر(متحسر!:() ، لكن تعبت مع اللينوكس وتعريفات ati السقيمه ،، صحيح ان فيه تحسن هالايام هذي لكن مازال فيه مشاكل ،، انا الان شغال على الاوبونتو مع كرتي hd3650 بشكل حلو ،، التأثيرات شغاله تمام والافلام والعرض جميل لكن مع الضغط تحصل مشاكل تكرهك بالكرت ،، الكرت الآن كمل سنه بشهر اغسطس الماضي وكنت طوال الفتره شغال على لينوكس تمام ،، لكن مثل ماذكرت يتعبني الكرت ،، مع التحديثات الجديدة للكرت يلزمني مسلسل قلق ووجع راس على بال مااثبته ،، واغلب الوقت مااحدث بشكل مستمر واحرم نفسي من التحسينات الجديده ،، ايضا ً مع الالعاب في لينوكس يتعبني كثير وخصوصا ً على الواين ،، كنت منزل على جهازي CS:S وكانت شغاله زي الحلاوه ،، على اكبر دقه في الشاشه عندي لكن مع الوقت تقريبا ً شهر او شهرين حصلت لي مشكله ولزمني اقلل دقة الشاشه اشتغلت فتره وبعدها صارت مشكله ،، وكل هالمشاكل من الكرت ودعم ati الزفت !! الى متى !!

خلاص  بدء البحث عن كرت محترم والله يعين على اسعار انفيديا .