Digital Beauty

تصميم لسه طازه من الفوتوشوب 😀

والصوره والاسم مأخوذ من صاحبها deligaris بموقع Deviantart

This video is not available in your country.

This video is not available in your country.

WTF !!!

هالرساله طلعت لي لما كنت اتصفح اليوتيوب خصوصا ً المقاطع تبع : universalmusicgroup

ايش القصه !!

مرحبا ً ATI Radeon HD 3850

من اول ماطورت جهازي وانا نفسي بكرت شاشه محترم ،، لكن الوقت ماسمح لي وبرضوا الميزانية وقتها ماسمحت لي ،، وبالعطله الواحد يدمن الالعاب ،، خصوصا ً اني كنت محتار بين اني اطور جهازي الـpc او اشتري مره واحد الـxbox360 بعد تفكير شفت اني اخذ لي كرت محترم لجهازي احسن والالعاب الله يسلم التورنت وقوة تحميل 😀 .

انقطعت فتره عن الهادوير والسوق وماتابعت آخر الكروت والمعالجات و و و ،،، لذلك احترت بـ اختيار الكرت ،، خصوصا ً اني ماراح ادفع مبلغ كبير على الكرت ،، كل اللي ابغاه كرت محترم ويقضي شغلي لو على الـmedium ،، بالبداية كنت ابغى احد كروت شركة Nvidia عشانه باللينوكس زي الحلاوه حسب ماقرأت على عكس كروت AMD-ATI ،، وكنت ناوي على كرت 8600GT الكرت ليس من احدث الكروت لكن يقضي شغلي وكمان سعره يعتبر رخيص ،، لكن بعد ماشفت كرت HD 3850 غيّرت رأيي وخش مزاجي مرّه ،، مميزاته حلوه وفوق هذا كله سعره مره مناسب وان شالله راح اخذه من Extra PC ،، اللي راح اخذه راح يكون من شركة قيقا بايت ،، مواصفات الكرت من موقع الشركة :

http://www.gigabyte.com.tw/Products/VGA/Products_Overview.aspx?ProductID=2717

اي نصائح لاتبخلون علي .

لي عوده بعد الطلب والتركيب .

تم الغاء شراء الكرت لأسباب خاصه .

من قرف شركة الاتصالات الى شركة الكهرباء

مشاكل الاتصالات ماتنتهي وهالشي عادي ومتعودين عليه ،، يصير انقطاع او تقطيع من الاتصال يكون الوضع عادي ،، لكن ان الوضع يكون برضوا مع شركة الكهرب حاجه تقرف ومزعجه ،، اليومين الماضيه صارت سلسلة انقطاعات بالكهربا على مستوى المدينة عندنا ،، طبعا ً في احسن وقت يصير انقطاع مابين الساعه 2 الى 6 والانقطاعات مستمره ،، اطول انقطاع كان قبل امس ،، استمر حوالي 3 ساعات ،، يعني تخيل منقطع من الساعه 3 الظهر ودرجه الحرارة حوالي 45 من دون مكيفات ولا شي لمدة ثلاث ساعات ،، شوي والا انا منتحر 😦 ،، المهم خلصت من مشكلة الكهرباء ،، ورجع الكهرباء ،، لكن طلعت لي مشكلة الاتصالات ،، الاتصال منقطع من يومين من اول مابدأت انقطاعات الكهرباء وهذا الكلام كان يوم الاربعاء ،، وكالعاده ادق على 907 عشان الانقطاع ،، سوالف العاده اعمل ريستارت للمودم و و و والهرج الفاضي !!! والمشكلة موجوده ،، المودم يطلع ان كل شي موجود ماعدا الانترنت لكن المشكلة من الdsl مع ان لمبة الdsl وصفحه المودم موجود ان الـdsl متصل connected !! كونّيكنتد في ايش ماادري ابن الذين ،، والموظف مايدري ايش يعمل !! اقوله ايش الحل يقولي ارسل لك الفني يشيّك على الخط عندك !! طيب مافي مشكله ارسله ،، يرجع يقولي مااقدر الان لكن يوم السبت يوصلك الفني ويشوف ايش المشكلة !! << الخميس والجمعه عطله !

المهم واجلس لحد يوم الجمعه وانا من دون نت ،، الـdsl كان منقطع على كل حارتنا والحواري اللي جمبنا ،، اعتقد لاننا بمقسم واحد ،، المهم لحد اليوم العصر والاتصال يتصل 5 دقايق ويفصل ،، وعلى هالحاله لحد اليوم الساعه حوالي 11 بالليل ،، والاتصال شغال بشكل متواصل لحد كتابة هالتدوينه بدون انقطاع والحمدلله ،، معاناة مع هالاتصالات ماراح تنتهي ،، وكل شي يهون عند الكهرباء من جد معاناة 😦

Heroes 3

LAC Magazine – Jul-2008

[Download]

Java is Everywhere

connecting everyone to everything